धरमजयगढ़। धरमजयगढ़ जनपद पंचायत के तरफ ले “सुशासन तिहार समाधान शिविर” के सफल आयोजन म भारी संख्या म जनसमूह के सहभागिता देखे ला मिलिस। ए कार्यक्रम म जनपद पंचायत अध्यक्ष लीनव राठिया मीडिया मंच ले सब अतिथि, जनप्रतिनिधि, विभाग के अधिकारी-कर्मचारी, मीडिया संगवारी, जनता जनार्दन अउ हर एक प्रत्यक्ष-अप्रत्यक्ष सहयोगी मन ला गहिर आभार जताइन।
उंकर कहिना रहिस –
“जन सेवा खातिर आप सब झन के मेहनत, निष्ठा अउ समर्पण के बिना ए शिविर के सफल कर पाना मुस्किल रहिस। आप मन के सहयोग हम सब ला नई सिरिफ प्रेरणा देथे, बल्कि धरमजयगढ़ के हर नागरिक तक शासन के सेवा पहुँचे के राह आसान करथे।” अध्यक्ष राठिया कहिन के ए शिविर म अलग-अलग विभाग के लोग मन अपन जिम्मेदारी ला निभाइन अउ जनता के समस्यान ला तुरंत सुलझाय गेय। ए बात ले जनता म विश्वास अउ संतोष के माहौल बने हवय।आखरी म, अध्यक्ष लीनव राठिया सब झन ला धन्यवाद देत कहिन —
“हम सब मिलजुल के धरमजयगढ़ वासीयन के सपना ला साकार करे के काम करत रहिबो। आप मन के साथ अउ सहयोग ये क्षेत्र के उज्जवल भविष्य के गारंटी आय।”
जनपद अध्यक्ष लीनव राठिया धरमजयगढ़ के हर नागरिक खातिर सुख-समृद्धि के कामना करत कार्यक्रम के सफलतापूर्वक समापन म सबो झन ला फेर आभार प्रकट करिन।
समाचार लिखईया राजू यादव धरमजयगढ…✍️
