धरम के नगरी धरमजयगढ म कमल खिलाय बर बीजेपी के दावा,नगरीय निकाय चुनाव प्रचार बर पहुंचीन वित्त मंत्री चौधरी!

धरमजयगढ(नई आवाज डॉट कॉम)। धरमजयगढ नगर म अवईया चुनाव ल लेके राजनीतिक पार्टी मन म हलचल मचे हवय, अऊ संगे संग पार्टी के मंत्री नेता मन ह अपन दल के कार्यकर्ता मन के ऊपर जोश भरे बर हर नगर म पहुंचत हवंय। अऊ ऐसने आज नगरीय निकाय चुनाव प्रचार प्रसार म धरमजयगढ नगर म घलव छत्तीसगढ़ के वित्त मंत्री ओपी चौधरी ह पहुंचिन अऊ भाजपा कार्यकर्ता मन ह वित मंत्री के जोरदार स्वागत सत्कार करीन। तेखर पाछू बाजा गाजा के संग भाजपा के बने कार्यालय म भाजपा सम्मेलन कार्यक्रम आयोजित करे गिस,अऊ कार्यक्रम म ओपी चौधरी के हाथ म सम्मान होवत कतको कांग्रेसी मन ह भाजपा म शामिल हो गिन। ते पायके वित्त मंत्री ओपी चौधरी ह सभा ल संबोधित करत उत्साह भरे स्वर म कहीन कि विधानसभा के चुनाव ले मोर मन ह फाट गे रहिसे अऊ आप मनके क्षेत्र म आये बर इच्छा नई होवत रहिसे। लेकिन लोकसभा चुनाव म आप मन के माया दुलार आशीर्वाद ले जिताके हमर राधेश्याम राठिया ल सांसद बनाय हवव, तेखर बाद ले मन ह खुश होईसे। ते पायके आज मे ह आप मन से मिले बर आये हंव। अऊ कहीन नगर बर बड़ खुशी के बात आय कि नगर पंचायत अध्यक्ष पद बर हमर अनिल सरकार भईया ल हमर भाजपा पार्टी ह प्रत्याशी बनाय हवय। अऊ वित्त मंत्री ह कहीन जैसने लोकसभा चुनाव म भारतीय जनता पार्टी ल अपन माया दुलार दे हवव ओसने आज भी नगर पंचायत चुनाव म घलव आप मन के आर्शीवाद देवव अऊ हमर अनिल भईया आशीर्वाद देवव अऊ धरम के नगरी धरमजयगढ म भाजपा के परचम लहरावव। अऊ संगे संग मंत्री ह नगर के विकास बर 02 करोड़ रुपया के घोषणा करीन। अऊ वित्त मंत्री ह कहीन भाजपा पार्टी ल ऐ गोठ के आभास हो गिसे कि छत्तीसगढ़ के जनता नगरीय निकाय चुनाव म बीजेपी ल जिताय बर मन बना डारे हवय। लेकिन अब देखे ल परही कि वित्त मंत्री के सम्बोधन ह नगर के जनता मन में कतका असर करही।
कार्यक्रम म नगर के भाजपा के दिग्गज नेता, कार्यकर्ता मनके भारी भीड़ अऊ उत्साह देखे गिस।

YouTube Video VVVkczJNMGQ2RldFcWFEN05Ud3BWVnJnLjM4Rzk4eHN4ZnlZ

धरमजयगढ़ के कोयलर में भीषण हादसा | बस-ट्रक की जोरदार भिड़ंत, 40-50 यात्री घायल.. @naiaawaznews

Load More... Subscribe